ಜಯಂತನ ಬರಹಗಳು

ಮೂವತ್ತೈದು ವರ್ಷ ತಾಂತ್ರಿಕ ಶಿಕ್ಷಣದ ಪ್ರಾಧ್ಯಾಪಕನಾಗಿ ಅನೇಕ ಸಂಶೋಧನಾ ಲೇಖನಗಳ, ತಾಂತ್ರಿಕ ಶಿಕ್ಷಣದ ಪುಸ್ತಕಗಳ ಲೇಖಕರಾದ ರಾಮಚಂದ್ರ ರಾವ ನಿವೃತ್ತಿಯ ನಂತರ ಕನ್ನಡ ಸಾಹಿತ್ಯದ ಹವ್ಯಾಸಿ ಲೇಖಕನಾಗಿ ಲಘು ಹಾಸ್ಯ, ವ್ಯಂಗ್ಯಭರಿತ ವಿಡಂಬನಾತ್ಮಕ ಲೇಖನಗಳನ್ನು ಬರೆಯುವುದರಲ್ಲಿಯೇ ನಿರತರಾಗಿರುವರು. ಅವರ ಲೇಖನಗಳನ್ನು ಮೆಚ್ಚುವ ಓದುಗರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿದ್ದು ಅದು ರಾಯರ ನಿವೃತ್ತಿಯ ಜೀವನಕ್ಕೆ ಮುದ ನೀಡುತ್ತಿತ್ತು. ಎಂದಿನಂತೆ ಅಂದೂ ಬೆಳಗಿನ ವಾಕಿಂಗ್ ಮುಗಿಸಿ ಬಂದ ರಾಮಚಂದ್ರರಾಯರು ಶ್ರೀಮತಿಗೆ ವಾಕಿಂಗ್ ನಂತರದ ಎರಡನೇಯ ಕಪ್ಪು ಚಹಾ ತರಲು ಹೇಳಿ, ನಿವೃತ್ತಿಯ ಸಮಯದಲ್ಲಿ ಮಗ ಉಡುಗೊರೆಯಾಗಿ ಖರೀದಿಸಿದ ರೆಕಲೈನರ್ ಚೇರ್ ನಲ್ಲಿ ಆಸೀನರಾಗಿ ಅಂದಿನ ವರ್ತಮಾನ ಪತ್ರಿಕೆಯ ಮೇಲೆ ಕಣ್ಣಾಡಿಸಹತ್ತಿದ್ದರು. ಕೆಲ ದಿನಗಳಿಂದ ಸಂಸತ್ತಿನಲ್ಲಿ ಭಾರೀ ಕೋಲಾಹಲ ಸೃಷ್ಟಿಸಿರುವ ಮಾಜಿ ಸೇನಾ ಮುಖ್ಯಸ್ಥರ ಇನ್ನೂ ಪ್ರಕಟವಾಗದ ಆತ್ಮಕಥನದ ಪುಸ್ತಕದ ಬಗ್ಗೆ ಪತ್ರಿಕೆಯಲ್ಲಿ ಬಂದ ಒಂದು ವರದಿಯ ಮೇಲೆ ಅವರ ದೃಷ್ಟಿ ಬಿತ್ತು. ಆ ಪುಸ್ತಕದಲ್ಲಿ ಸೇನೆ ಮತ್ತು ದೇಶಕ್ಕೆ ಸಂಬಂಧಿಸಿದ ಸೂಕ್ಷ್ಮ ವಿಷಯಗಳ ಪ್ರಸ್ತಾಪವಿದ್ದು, ಪುಸ್ತಕದ ಡಿಜಿಟಲ್ ರೂಪದಲ್ಲಿನ ಹಸ್ತಪ್ರತಿ ಅಕ್ರಮವಾಗಿ ಪುಸ್ತಕ ಪ್ರಕಟಣೆಗೂ ಮೊದಲೇ ಸೋರಿಕೆಯಾಗಿರುವ ಹಿನ್ನೆಲೆಯಲ್ಲಿ ದೆಹಲಿ ಪೊಲೀಸರು ತನಿಖೆ ಆರಂಭಿಸಿದ್ದು, ಈಗಾಗಲೇ ಎಫ್‌ಐಆರ್ ದಾಖಲಿಸಿದ್ದಾರೆ. ಪ್ರಾಥಮಿಕ ತನಿಖೆಯ ಪ್ರಕಾರ,ಇದು...